Тошкент вилоятидаги яйловларда чорва молларини ўтлатишнинг меъёри белгиланади

Ҳудудларда яйлов уруғчилиги базаси ривожлантирилиб, муҳофаза қилиш ва улардан мақсадли фойдаланиш бўйича давлат назорати, мониторинг тизими кучайтирилади.

Тошкент вилоятидаги яйловларда чорва молларини ўтлатишнинг меъёри белгиланади, деб хабар бермоқда вилоят ҳокимлиги ахборот хизмати.

Маълум қилинишича, вилоятда яйловлардан самарали фойдаланишнинг ташкилий-услубий асослари такомиллаштирилиб, яйловларни тоифалаш ва уларнинг деградациясини табақалашган ҳолда баҳолашнинг ягона услуби ишлаб чиқилади.

Яйловларда чорва моллари босимини камайтириш, шунингдек, сунъий йўлдошли интеграциялашган тизимни жорий этиш орқали чорва молларини ўтлатишнинг реал вақт режимида мониторингини олиб бориш, яйлов майдонларини чиқиндилар билан ифлослантиришнинг олдини олиш бўйича чора-тадбирлар бажарилади.

Шу билан бирга, ҳудудларда яйлов уруғчилиги базаси ривожлантирилиб, муҳофаза қилиш ва улардан мақсадли фойдаланиш бўйича давлат назорати, мониторинг тизими кучайтирилади. Яйловларда иҳоталар барпо этилади.

NOVA24 Instagramʼda. Obuna boʻling
Asosiy yangiliklar va qiziqarli videolar