Toshkent viloyatida YPX xodimi qidiruvdagi firibgarni qo‘lga oldi
Erkak qamoqqa olingan.
Toshkent viloyatida huquq-tartibot idoralari xodimlari firibgarlik uchun uzoq vaqt qidiruvda bo‘lgan fuqaroni topib, qo‘lga oldi, deb xabar bermoqda viloyat IIB matbuot xizmati.
Voqea Quyi Chirchiq tumanida sodir bo‘lgan. “Sog‘lom avlod — xavfsiz jamiyat” tezkor-profilaktik tadbiri doirasida yo‘l harakati xavfsizligi xizmati xodimi qidiruvda bo‘lgan 2000 yilda tug‘ilgan fuqaroni qo‘lga oldi.
Ma’lum bo‘lishicha, ushbu fuqaro Jinoyat kodeksining 168-moddasi (Firibgarlik)da nazarda tutilgan jinoyatni sodir etganligi uchun qidiruvda bo‘lgan. Uni tuman IIBga topshirishdi va qamoqqa olishdi, tergov boshlandi.
Eslatib o‘tamiz, Jizzaxda IIB xodimi bedarak yo‘qolgan: unga nisbatan ish ochilgandi. Huquq-tartibot idoralari xodimi firibgarlikda gumon qilinmoqda.
Izohlar