Toshkent viloyatida Isuzu bilan toʻqnashgan Labo agʻdarilib ketdi

Hodisaga Cobalt haydovchisi Labo'ning yoʻlini toʻsgani sabab boʻlgan.

Toshkent viloyati Chinoz tumanida Isuzu bilan toʻqnashgan Labo agʻdarilib ketdi. Bu haqda Toshkent viloyati IIBB matbuot xizmati xabar berdi.

Maʼlum qilinishicha, hodisa 10-avgust kuni 15:00 larda “Toshkent-Termiz” xalqaro avtomobil yoʻlida sodir boʻlgan. Buxorolik haydovchi boshqaruvidagi Labo’da “Toshkent-Sirdaryo” yoʻnalishida harakatlanib ketayotgan vaqtida bir yoʻnalishda boʻlgan Isuzu bilan toʻqnashib ketgan.

Yoʻl-transport hodisasi oqibatida haydovchilarning sogʻligʻiga ziyon yetmagan, mashina texnik shikastlangan.

Hozirda ushbu holat yuzasidan Chinoz tumani IIBB YHXB tomonidan surishtiruv ishlari olib borilib, mazkur YTHga aloqador boʻlgan Cobalt haydovchisining shaxsi aniqlangan, deyiladi xabarda.

NOVA24 TikTokʼda. Obuna boʻling
Asosiy yangiliklar va qiziqarli videolar