Toshkent viloyatida daraxt kesgan shaxs tabiatga 247 mln so‘m zarar yetkazdi

Toshkent viloyatida 4 tup yong‘oq daraxtini kesgan shaxs tabiatga 247 mln so‘m zarar yetkazdi.

Toshkent viloyati Ekologiya boshqarmasi inspektorlari tomonidan Chirchiq shahri hududlarida ekologik nazorat tadbirlari o‘tkazildi. Bu haqda boshqarma matbuot xizmati xabar berdi.

Maʼlum qilinishicha, shaharning “Iftixor” MFY, Yangi O‘zbekiston massivi kirish qismi hududida joylashgan “D.S.” MChJ masʼul xodimi savdo do‘konlari va maishiy xizmat ko‘rsatish obyektlarini qurish uchun mo‘ljallangan yer maydonidagi 4 tup yong‘oq daraxtini ruxsatnomasiz kesgan.

Huquqbuzar tabiatga 247 mln 500 ming so‘m miqdorida zarar etkazgan.

Holat yuzasidan tegishli hujjatlar rasmiylashtirilib, Toshkent viloyati prokuraturasiga yuborildi.

NOVA24 TikTokʼda. Obuna boʻling
Asosiy yangiliklar va qiziqarli videolar