Toshkent viloyatida kanal bo‘yidan eshak go‘shti qoldiqlari topildi

Oqqo‘rg‘on tumanida 13 ta eshakning go‘shti kanal bo‘yiga tashlab ketilgan.

Ijtimoiy tarmoqlarda Toshkent viloyatining Oqqo‘rg‘on tumanida 13 ta eshakning go‘shti tashlab ketilgani aytilgan videolar tarqaldi. Holat yuzasidan tuman hokimligi izoh berdi.

Ma’lum qilinishicha, holat bo‘yicha ishchi guruh tuzildi va o‘rganish ishlari boshlandi. Aniqlanishicha, voqea tumanning “Qo‘rg‘ontepa” MFY hududida sodir bo‘lgan.

Mahalla aholisi va mas’ullar bilan suhbatlashib, huquqbuzarlarni aniqlash chora-tadbirlari ko‘rilmoqda.

Viloyat IIBB matbuot xizmatining xabar berishicha, holat bo‘yicha 3 nafar shaxs gumondor sifatida jalb qilingan va tergovga qadar tekshiruv harakatlariga kirishilgan.

Hozirda IIBB Karantin tadbirlarini tashkil qilish bo‘linmasi xodimlari tomonidan hamkorlikdagi tashkilotlar bilan Oqqo‘rg‘on tumanida aniqlanib, Ohangaronda fosh etilgan mazkur holat yuzasidan qo‘shimcha surishtiruv va hududni dezinfeksiyalash ishlari olib borilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar