Тошкент ва Қўқонда Ҳажга юбориш билан боғлиқ ноқонуний ҳолатлар аниқланди
Ҳозирда барча ҳолатлар юзасидан мазкур шахсларга нисбатан жиноят ишлари қўзғатилиб, дастлабки тергов ҳаракатлари олиб борилмоқда.
![Тошкент ва Қўқонда Ҳажга юбориш билан боғлиқ ноқонуний ҳолатлар аниқланди](https://nova24.uz/uz/wp-content/uploads/2024/05/2XgQby63dX_zORbYOC5w__HhydS5vqtz.jpg)
Давлат хавфсизлик хизмати томонидан Ҳаж зиёратига юбориш билан боғлиқ қатор ноқонуний ҳолатлар фош этилди.
Хусусан, Тошкент шаҳрининг Чилонзор туманида яшовчи шахс Шайхонтоҳур туманида истиқомат қилувчи фуқарони ишончига кириб, танишлари ёрдамида, унга Саудия Арабистонига Ҳаж сафарига бориши учун зарур бўладиган виза ҳужжатларини тайёрлаб бериш ва зиёратга юбориш эвазига 8,5 минг АҚШ доллари олган вақтида ашёвий далиллар ушланди.
Бошқа ҳолатда эса пойтахтда фаолият юритувчи сайёҳлик фирмаси ходими Шайхонтоҳур туманида яшовчи фуқарони сохта ҳужжатлар орқали Ҳаж зиёратига юбориш эвазига 5,5 минг АҚШ доллари олган вақтида ушланди.
Яна бир сайёҳлик фирмаси бошқарувчиси ва унинг ходими ҳам Яшнобод туманида яшовчи фуқаронинг ишончини суиистеъмол қилиб, жорий Ҳаж-2024 мавсумида Саудия подшоҳлигига муборак сафарга юбориш эвазига 8,5 минг АҚШ доллари талаб қилишиб, 4 минг АҚШ доллари олган вақтларида қўлга олинди.
Қўқон шаҳрида фаолият юритувчи сайёҳлик фирмасининг иш бошқарувчиси 2 нафар фуқарони Ҳаж амалларини бажаришлари учун Саудия Арабистонига юбориш эвазига 12 минг АҚШ доллари талаб қилиб, 10 минг АҚШ доллари олган вақтида ушланди.
Қўқон шаҳрида кузатилган яна бир ҳолатда, бошқа сайёҳлик фирмаси ходими маҳаллий фуқарони ҳожи мақомига эга бўлиши учун Ҳаж зиёратига юбориш эвазига 6 минг АҚШ доллари талаб қилиб, 3 минг АҚШ доллари олган вақтида қўлга олинди. Ҳозирда барча ҳолатлар юзасидан мазкур шахсларга нисбатан жиноят ишлари қўзғатилиб, дастлабки тергов ҳаракатлари олиб борилмоқда.
Мавзуга оид хабарлар:
Саудия Арабистонида Ҳаж вақтида 10 га яқин Ўзбекистон фуқароси вафот этди Саудия Арабистони хайрия маркази Ўзбекистонга 25 тонна хурмо ҳадя қилди ДХХ Ҳаж зиёратига ноқонуний юборишни ваъда қилган шахсларни қўлга олди Ўзбекистон ва Саудия Арабистони ўртасида сиёсий маслаҳатлашувлар ташкил этилади Оролбўйида жойлашган аҳоли пунктларига Саудия Арабистони ёрдами жалб этилади
Soʻnggi yangiliklar
![Fargʻona xavfli hudud deya video olgan blogerlar jazolandi](https://nova24.uz/uz/wp-content/uploads/2024/07/rk7A6J5nxQ-300x168.jpg)
![Yunusobodda suvoʻtkazgich yorilishi oqibatida koʻchalarni suv bosdi](https://nova24.uz/uz/wp-content/uploads/2024/07/2024-07-03-10.42.21-300x225.jpg)
![Surxondaryoda tamaki mahsulotlari savdosi bilan shug‘ullanib kelgan shaxslar ushlandi](https://nova24.uz/uz/wp-content/uploads/2024/07/jmn-2FfkKkjW-300x225.jpg)
![Toshkentda Matiz elektroskuterni urib yubordi](https://nova24.uz/uz/wp-content/uploads/2024/07/39HFvUs3xCv5CAdtzMCggamUeSMOLKH7-300x225.jpg)
![Oʻzbekcha Vikipediyadagi maqolalar soni 300 mingdan oshdi](https://nova24.uz/uz/wp-content/uploads/2024/07/wXUUCDxhNsAbATkkMoAsg8FYLFvTpbxS-1-300x200.jpg)
![Urganch tumani qurilish boʻlimi sobiq boshligʻiga nisbatan jinoyat ishi qoʻzgʻatildi](https://nova24.uz/uz/wp-content/uploads/2024/07/2024-07-03-03.26.53-300x199.jpg)
![Buxoroda voyaga yetmagan bola va qiz turmush qurgani aniqlandi](https://nova24.uz/uz/wp-content/uploads/2024/07/Vlphgm17199409671298_b-300x200.jpg)
![Oʻzbekistonda 3-iyul kuni oʻzgaruvchan ob-havo boʻlishi kutilmoqda](https://nova24.uz/uz/wp-content/uploads/2024/07/2024-07-03-03.19.32-300x194.jpg)