Surxondaryoda ona-bola o‘ldirildi, ularning uyi yoqib yuborilgan

Hozirda holat yuzasidan jinoyat ishi qo‘zg‘atilib, tergov xarakatlari olib borilmoqda.

Surxondaryo viloyati Uzun tumanida 15-fevral kuni ona va bola o‘ldirilib, uyi yoqib yuborilgan.

Ma’lum bo‘lishicha, Yangiyo‘l mahallasida yashovchi fuqaro soat 03:39 da tuman IIB navbatchilik qismiga murojaat qilib, qo‘shnisi M.R.ning xonadonida yong‘in bo‘layotganini aytgan.

Maxsus guruh voqea joyida M.R. va uning voyaga yetmagan farzandi O.H. bosh qismidan olgan jarohatlari sabab vafot etganini ko‘rgan.

Shuningdek, yana ikki nafar voyaga yetmagan bola — M.H. va Z.H. Uzun tumani tibbiyot birlashmasi jonlantirish bo‘limiga yotqizilgan.

Holat yuzasidan Jinoyat kodeksining 97-moddasi 2-qism “a” bandi (Ikki yoki undan ortiq shaxsni qasddan o‘ldirish) bilan jinoyat ishi qo‘zg‘atilgan. Hozirda dastlabki tergov xarakatlari olib borilmoqda.

NOVA24 Telegramʼda. Obuna boʻling
Tezkor xabarlar va asosiy voqealar