Surxondaryoda noqonuniy baliq ovlanishi ortidan tabiatga 1,4 mlrd so‘m zarar yetdi
Sho‘rchi tumanida elektr qarmoq bilan baliq ovlanishi oqibatida 221 bosh baliq nobud bo‘ldi va tabiatga 1,4 mlrd so‘m zarar yetdi.
Surxondaryo viloyati Sho‘rchi tumanida noqonuniy usulda baliq ovlaganlar ushlandi, deb xabar bermoqda Ekologiya vazirligi.
Tashkilotning hududiy boshqarmasi va Milliy gvardiya xodimlari tomonidan Sho‘rchi tumanida tezkor nazorat tadbiri o‘tkazilgan. Unda Tamaddun mahallasida yashovchi 4 nafar fuqaro Surxondaryoning mahalladan oqib o‘tuvchi qismida noqonuniy baliq ovlagani aniqlangan.
Huquqbuzarlar tomonidan 182 bosh kumush tovon balig‘i (karas), 37 bosh orol moy balig‘i, 2 bosh Samarqand xramulyasi (tupak) baliqlari taqiqlangan usul — elektr qarmoq bilan ovlangan.
Hayvonot dunyosiga yetkazilgan zarar 1 milliard 439 million 900 ming so‘mni tashkil etdi.
Holat yuzasidan huquqiy baho berish va hayvonot dunyosiga yetkazilgan zarar summalarini undirish maqsadida barcha to‘plangan hujjatlar viloyat prokuraturasiga yuborildi.
Мавзуга оид хабарлар:
Surxondaryodagi YTHda 19 yoshli uch yigit vafot etdi Sirdaryoda noqonuniy baliq ovlagan shaxs jarimaga tortildi Surxondaryoda noqonuniy tarzda tabiiy qum qazib olinayotgani aniqlandi Surxondaryoda kondagi avariya sabab havoga oltingugurt gazi tarqaldi Surxondaryoda qiymati 3,3 mln dollarlik “Zarchob-1A” kichik GESi ishga tushdi