Sirdaryoda yuk mashinasi haydovchisi davlat raqami o‘rniga o‘z ismini yozib oldi — video
Erkakning aytishicha, u o‘z harakatlarining noqonuniyligini bilmagan.
Sirdaryoda pichan ortilgan yuk mashinasi haydovchisi raqamlar o‘rniga o‘z ismini yozib, transportning davlat raqamini o‘zboshimchalik bilan o‘zgartirishga qaror qildi, deb xabar bermoqda viloyat YHXB matbuot xizmati.
Pichan ortilgan ZIL-53 yuk mashinasi haydovchisi FARRUX davlat raqami belgisi bilan harakatlangan. Viloyat IIB YHXB xodimlari haydovchining shaxsini aniqlashdi. Uning so‘zlariga ko‘ra, u belgini qiziquvchanlik bilan o‘zgartirgan, shu bilan birga, bu qonunbuzarlik ekanini anglamagan.
Mazkur holat yuzasidan erkakka nisbatan ma’muriy bayonnoma rasmiylashtirilgan. Transport vositasi vaqtincha jarima maydonchasiga joylashtirildi.
Eslatib o‘tamiz, O‘zbekistonda raqamlar va harflarning turli kombinatsiyalariga ega raqamlarni xarid qilish mumkin bo‘ladi. Ular amaldagi davlat raqamlarini takrorlamasligi kerak.
Izohlar