Shavkat Umurzoqov mahalliy kengash deputati etib saylandi

Sessiyada Toshkent shahar hududiy saylov komissiyasi raisi Abdulla Magrupov hududda boʻshab qolgan deputatlik oʻrinlariga boʻlib oʻtgan saylov natijalari toʻgʻrisida maʼlumot bergan.

Toshkent shahar hokimi Shavkat Umurzoqov mahalliy kengash deputati etib saylandi. Bu haqda poytaxt hokimligi matbuot xizmati xabar berdi.

Maʼlum qilinishicha, bugun xalq deputatlari Toshkent shahar kengashining 104-sessiyasi boʻlib oʻtgan. Sessiyada Toshkent shahar hududiy saylov komissiyasi raisi Abdulla Magrupov hududda boʻshab qolgan deputatlik oʻrinlariga boʻlib oʻtgan saylov natijalari toʻgʻrisida maʼlumot bergan.

Unga koʻra, Toshkent shahri, Yunusobod tumani “Turkiston-53” saylov okrugida boʻshab qolgan deputatlik oʻrniga Oʻzbekiston Liberal-demokratik partiyasidan nomzodi koʻrsatilgan Shavkat Umurzoqov xalq deputatlari Toshkent shahar kengashining deputati etib saylangan.

Sessiya kun tartibidan Yakkasaroy va Yangihayot tumanlaridagi ayrim aholi punktlarining tarkibiy qismlarini nomlash va qayta nomlash, Toshkent shahridagi muqobil korxonalar tomonidan maishiy chiqindilarni toʻplash va olib chiqish xizmatlarini takomillashtirish kabi masalalar ham oʻrin olgan.

NOVA24 TikTokʼda. Obuna boʻling
Asosiy yangiliklar va qiziqarli videolar