Sayyohlar o‘zbekistonliklarning uylariga kechki ovqatga tashrif buyurishi mumkin bo‘ladi
Turizmni rivojlantirishga yangi platforma yordam beradi.
O‘zbekistonda gastronomik turizmni rivojlantirish uchun sayyohlar qulay joyni baholashi va tanlashi uchun mamlakat muassasalari bilan raqamli platforma ishga tushirildi, deb xabar beradi Ekologiya vazirligi huzuridagi Turizm qo‘mitasi matbuot xizmati.
Ma’lumotlarga ko‘ra, eaten.uz onlayn platformasi Samarqand va Urgut tumanini qamrab olgan bo‘lib, sayyohlarga gastronomik sayohatlarini rejalashtirish imkonini beradi. Foydalanuvchilar milliy taomlarni tatib ko‘rish mumkin bo‘lgan uyni tanlashlari, ularni tayyorlashda ishtirok etishlari, shuningdek, to‘ylar va boshqa oilaviy bayramlar kabi milliy tadbirlarda ishtirok etishlari mumkin.
Qayd etilishicha, onlayn platformada joylashuvlar va afzalliklar bo‘yicha qulay qidiruv tizimi yaratilgan. U oddiy oilalarni turizm iqtisodiyotiga jalb qilish orqali qo‘shimcha daromad manbalarini yaratishga yordam berishi, shuningdek, O‘zbekistonni uning asosiy diqqatga sazovor joylari — odamlari, madaniyati va taomlari orqali sayyohlar uchun ochib berishi rejalashtirilgan.
Avvalroq O‘zbekistonda cho‘l va tog‘ turizmini rivojlantirish uchun pul ajratilishi haqida xabar berilgan edi. Hokimiyat tadbirkorlarga ziplayn va osma yo‘llar xizmatlarini tashkil etish xarajatlarini qoplab beradi.
Izohlar