O‘zbekistonliklar qurilishi to‘xtatilgan kompaniyalarni onlayn tekshirishlari mumkin bo‘ladi
Toshkent shahar hokimligi yangi xizmatni e’lon qildi.
30-iyul kuni Toshkent hokimligi faoliyati to‘xtatilgan qurilish kompaniyalarini onlayn tekshirish imkoniyatini e’lon qildi.
Xizmat obyektda qurilishni to‘xtatish to‘g‘risidagi ko‘rsatma mavjudligini ko‘rsatadi, lekin sabablar, tegishli hujjatlar emas. Qurilish uchun ruxsatnomani bu tarzda tekshirish ham, afsuski, amalga oshmaydi. Katta ehtimol bilan, xizmat ulushdorlar va ulushdor bo‘lishni rejalashtirayotganlar uchun zarur ma’lumotlarni olish imkoniyatiga ega bo‘lish uchun yaratilgan.
Ma’muriyat xizmatning paydo bo‘lishiga hokimlik boti manziliga qurilish masalalari bo‘yicha kelib tushayotgan ko‘plab murojaatlar sabab bo‘lgan.
Aholiga qulaylik yaratish maqsadida yangi veb-sahifa ishga tushirilgan bo‘lib, uning yordamida faoliyati vaqtincha to‘xtatilgan qurilish firmalari va kompaniyalarining holatini onlayn tarzda tekshirish mumkin. Endilikda har bir fuqaro qurilish kompaniyasi nomini kiritib, bir necha soniya ichida ushbu kompaniya faoliyati to‘xtatilgan yoki to‘xtatilmaganligini bilib olishi mumkin.
Mazkur xizmat bepul ko‘rsatilib, firma va kompaniyalar bazasi muntazam yangilanib boriladi. Foydalanuvchiga, shuningdek, uning so‘roviga ko‘ra, o‘xshash kompaniyalar nomlari bo‘yicha ma’lumotlar taklif etiladi.
Avvalroq Toshkent hokimligi qurilishi tugallanmagan yangi uylardan uy sotib olib, fuqarolar kvartira va pulsiz qolayotgan holatlar fonida aholi va quruvchilarga murojaat qilgani haqida xabar berilgandi.
Ma’muriyatning ta’kidlashicha, so‘nggi oylarda ayrim quruvchilar tomonidan qurilish me’yorlari va qonunchilikni buzish holatlari ko‘plab aniqlanmoqda. Ularning ayrimlari tegishli ruxsat beruvchi hujjatlar, ekspertizalar va texnik xulosalarsiz qurilishni boshlagan, shuningdek, uy-joylarni fuqarolarga noqonuniy sotishga uringan.
Izohlar