O‘zbekistonliklar endi Haj va Umra safariga onlayn yozilishi mumkin

O‘zbekistonda fuqarolar endilikda onlayn tarzda ziyoratga navbatga yozilishi mumkin bo‘ladi, deya xabar bermoqda Din ishlari bo‘yicha qo‘mita matbuot xizmati.

Mamlakatda “Yagona Haj va Umra portali” paydo bo‘ldi. Foydalanuvchi ikki usulda ro‘yxatdan o‘tishi mumkin: YIDXP yoki veb-sayt orqali. Ushbu portal quyidagi maqsadlarda yaratilgan:

• haj ziyoratiga boruvchilar uchun qulayliklar yaratish, navbatlarni shakllantirishda shaffoflikni ta’minlash va inson omilini istisno qilish;
• yagona elektron navbatni shakllantirib, Hajga ariza topshirish jarayonini onlayn shaklga o‘tkazish;
• haj safari bilan bog‘liq hujjatlarni yig‘ish va rasmiylashtirish jarayonlarini raqamlashtirish.

Eslatib o‘tamiz, o‘zbekistonliklarni 2026-yilda Haj ziyoratini ado etishda o‘zgarishlar kutmoqda. Yangiliklar viza olishga taalluqli bo‘ladi.