O‘zbekistonga pnevmatik to‘pponcha olib kirmoqchi bo‘lgan shaxs to‘xtatib qolindi
Toshkent xalqaro aeroportida pnevmatik to‘pponcha olib o‘tmoqchi bo‘lgan fuqaro to‘xtatib qolindi.
Toshkent xalqaro aeroportida fuqaro pnevmatik to‘pponcha olib o‘tmoqchi bo‘ldi. Bu haqda Toshkent-AERO ixtisoslashtirilgan bojxona kompleksi axborot xizmati ma’lum qildi.
Aytilishicha, 22-iyul kuni Islom Karimov nomidagi Toshkent xalqaro aeroporti chegara-bojxona xodimlari tomonidan Vnukovo—Toshkent yo‘nalishi bo‘yicha uchib kelgan O‘zbekiston fuqarosiga tegishli yo‘l sumkalari bojxona ko‘rigidan o‘tkazilgan.
Bojxona nazoratiga tegishli tartibda taqdim etilmagan, muqobil manbalarga ko‘ra, taxminiy qiymati 700 ming so‘m bo‘lgan jami 1 dona KR-18 rusumli pnevmatik to‘pponcha va Angry BB’s nomli og‘irligi 1 kg bo‘lgan sharsimon shakldagi plastik o‘qlar borligi aniqlandi, deyiladi bojxona kompleksi axborotida.
Qo‘shimcha qilinishicha, holat yuzasidan surishtiruv ishlari amalga oshirilmoqda.
Мавзуга оид хабарлар:
Toshkent aeroportida 1,5 mlrd so‘mlik soatni noqonuniy olib o‘tmoqchi bo‘lgan shaxs ushlandi O‘zbekistonga noqonuniy olib o‘tilayotgan 90 mln so‘mlik braslet to‘xtatib qolindi