O‘zbekistonda xavfli yoqilg‘i quyish shoxobchalariga chora ko‘riladi
Rasmiylar fuqarolar va AGTKSH xodimlarining xavfsizligini ta’minlaydigan bir qator qoidalarni joriy etadi.
2026-yil yanvar oyidan boshlab O‘zbekistonda gaz quyish shoxobchalarida eski idishlarni olib kirish va ulardan foydalanish taqiqlanadi, tekshiruvlar va xodimlarni o‘qitish kuchaytiriladi, xavfli stansiyalar xavfsiz hududlarga ko‘chiriladi, deyiladi hukumat qarorida.
2026 yil yanvar oyidan boshlab, ijtimoiy xavfli mahsulotlarning bosim ostidagi obyektlarda saqlanishini hisobga olgan holda, besh yildan ortiq ishlatilgan, shuningdek, ishlab chiqarish muddatini aniqlash mumkin bo‘lmagan idishlarni respublika hududiga olib kirish taqiqlanadi. Bunday idishlar foydalanishdan chiqarilishi kerak.
Shuningdek, neft mahsulotlari (benzin, dizel yoqilg‘isi) va suyultirilgan uglevodorod gazini saqlash uchun rezervuarlar hamda yoqilg‘i quyish kolonkalari bir joyda joylashgan konteynerlardan foydalanish taqiqlanadi. 2026-yil mart oyidan boshlab vazirlik va idoralar tomonidan har yili yoqilg‘i quyish shoxobchalari xodimlarining bilim darajasini tekshirishni nazarda tutuvchi tartib ishlab chiqiladi.
Maqsad — favqulodda vaziyatlarning oldini olish, fuqarolar xavfsizligi va mehnat muhofazasini ta’minlash, shaharsozlik me’yorlariga rioya qilish. “O‘zenergoinspeksiya” Sanoat, radiatsiya va yadro xavfsizligi qo‘mitasi bilan birgalikda yiliga bir marta tekshiruv o‘tkazadi. Bunday tekshiruvlar haqida 24 soat ichida Biznes-ombudsman xabardor qilinadi.
2026-yil aprel oyiga qadar fuqarolarning hayoti va sog‘lig‘iga xavf tug‘dirayotgan, jamoat, sanoat va yong‘in xavfsizligi, ekologik va shaharsozlik normalari, shu jumladan sanitariya-himoya zonalari talablarini buzayotgan avtomobillarga yoqilg‘i quyish shoxobchalarini xavfsiz hududlarga ko‘chirish choralari ko‘riladi.
Eslatib o‘tamiz, dekabr oyida Farg‘onadagi avtomobillarga yoqilg‘i quyish shoxobchasida yoqilg‘i quyish vaqtida texnika xavfsizligi buzilishi oqibatida gaz sizib chiqishi boshlangandi. Yonilg‘i tezda atrofga tarqalib, odamlar va avtomobillarni o‘rab oldi. Bir payt yonilg‘i portlab ketgan.
Farg‘ona viloyati hokimi gaz quyish shoxobchasi portlashida halok bo‘lganlarning yaqinlari bilan shaxsan uchrashib, barcha oilalarga kompensatsiya pullari to‘lab berildi. Shuningdek, yonilg‘i quyish shoxobchasidagi portlashda 4 kishi halok bo‘lgani, yana 13 kishi shifoxonaga yetkazilgani aniq ma’lum bo‘ldi.
Izohlar