O‘zbekistonda to‘rt va besh qavatli uylarda liftlar paydo bo‘lishi mumkin
Hozircha eski liftlarni almashtirish ustuvor vazifa bo‘lib turibdi.
Qurilish va uy-joy kommunal xo‘jaligi vazirligi to‘rt va besh qavatli uylarga lift o‘rnatish imkoniyatini ko‘rib chiqmoqda. Bu haqda 8-iyul kuni AOKAda o‘tkazilgan matbuot anjumanida ma’lum qilindi.
Mamlakatda 22 mingdan ziyod ana shunday xonadon bor. Endilikda xalqaro tajriba — xususan, Germaniya, Avstriya va Finlyandiyada amalga oshirilgan qarorlar o‘rganilmoqda. Dastur ishlab chiqish bosqichida. Idora, shuningdek, fuqarolar, jumladan, nogironligi bo‘lgan shaxslarning liftlarning qulayligi masalasidagi murojaatlarini ham qayd etadi.
Shu bilan birga, yuqori binolardagi eskirgan liftlarni almashtirish ustuvor vazifa bo‘lib qolmoqda. Mamlakatda 5 491 ta ko‘p qavatli uylarga o‘rnatilgan 13 798 ta liftni to‘liq xatlovdan o‘tkazish ishlari yakunlandi. Ularning 2 mingdan ortig‘i xizmat muddati tugashi munosabati bilan almashtirilishi kerak, yana 382 tasi ta’mirga muhtoj. Ushbu maqsadlar uchun mahalliy byudjetlardan 854,6 mlrd so‘m ajratilishi ko‘zda tutilgan. Bu ishlar yakuniga yetganidan keyingina besh qavatgacha bo‘lgan uylarga yangi liftlar o‘rnatish mumkin.
Vazirlik isitish mavsumiga tayyorgarlik ko‘rish bo‘yicha boshqa chora-tadbirlar haqida ham ma’lumot berdi. 2025-2026 yillar kuz-qish mavsumi doirasida 9 ming 812 ta ko‘p qavatli uyni ta’mirlash rejalashtirilgan. Bunga 247 mlrd so‘m kredit jalb qilmasdan yo‘naltiriladi – ishlarni 754 ta xizmat ko‘rsatuvchi boshqaruv kompaniyalari bajaradi. Bugungi kunga qadar 4 478 ta uyda ta’mirlash ishlari yakunlandi: tomlar, kirish yo‘laklari, fasadlar, muhandislik tarmoqlari ta’mirlandi, 34 mingdan ortiq energiya tejovchi chiroqlar o‘rnatildi.
Boshqa chora-tadbirlar qatorida uy-joylarni boshqarish sohasini raqamlashtirish ham bor. “Mening uyim” billing tizimi orqali 2025-yilning birinchi yarmida majburiy to‘lovlarning 93 foizi undirildi — 2022-yildagi 41 foizga nisbatan. Hokimiyat, shuningdek, boshqaruv kompaniyalarining elektron reyestrini joriy etmoqda va ularni ko‘p qavatli uylarga biriktirish jarayoni raqamli formatga o‘tkazildi.
Izohlar