O‘zbekistonda pulli yo‘llar faqat bepul muqobil yo‘l mavjud bo‘lgandagina qurilishi mumkin bo‘ladi
Bunday yo‘llarda harakatlanish xarajatlari aholi va biznes manfaatlarini hisobga olgan holda baholanadi.
O‘zbekistonda pulli yo‘llar qurilishiga faqat bepul muqobil yo‘l mavjud bo‘lgandagina ruxsat berilishi mumkin, deb xabar bermoqda Qonunchilik palatasi matbuot xizmati.
Deputatlar pulli yo‘llar tarmog‘ini tashkil etishning huquqiy asoslarini ishlab chiquvchi qonun loyihasini ko‘rib chiqdilar. Xususan, pulli yo‘llar faqat bepul muqobil yo‘l mavjud bo‘lgandagina qurilishi, bunday yo‘llarda yo‘l haqi aholi va biznes manfaatlarini hisobga olgan holda, iqtisodiy asoslangan darajada belgilanishi ko‘zda tutilmoqda.
Bu investitsiyalarni jalb qilish va mamlakatda zamonaviy yo‘l infratuzilmasini shakllantirish uchun asos yaratishga yordam berishi rejalashtirilgan. Deputatlar qonun loyihasini ikkinchi va uchinchi o‘qishda ma’qulladilar. Hujjat kuchga kirgunga qadar Senat tomonidan ma’qullanishi va prezident tomonidan imzolanishi kerak.
Avvalroq Toshkentdan Samarqand va Andijonga pulli yo‘llar qachon qurilishi ma’lum qilingandi. Moliyalashtirish uchun mablag‘ni xalqaro institut ajratadi.
Izohlar