Andijon viloyatida yangi pulli yo‘l quriladi
Loyihani xitoylik hamkorlar ko‘magida amalga oshirishmoqchi.
Andijon viloyatida Yangi Andijon—Xonobod yo‘nalishi bo‘yicha yangi pullik yo‘l qurilishi rejalashtirilmoqda, deb xabar bermoqda viloyat hokimi Shuhrat Abdurahmonov.
Ma’lumotlarga ko‘ra, rasmiylar loyihani xitoylik investorlar ishtirokida amalga oshirishni rejalashtirmoqda. Buning uchun viloyat rahbari Xitoy kompaniyalari vakillari bilan uchrashuv o‘tkazdi, unda tomonlar mintaqaga xorijiy investitsiyalarni jalb qilish masalalarini muhokama qildi.
Qayd etilishicha, muzokaralar yakunida yangi pullik trassani qurish loyihasini amalga oshirish bo‘yicha kelishuvga erishilgan. Ta’kidlash joizki, O‘zbekistonda pullik yo‘llarni faqat bepul muqobil yo‘l mavjud bo‘lgandagina qurish mumkin bo‘ladi. Bunday yo‘llarda harakatlanish xarajatlari aholi va biznes manfaatlarini hisobga olgan holda baholanadi.
Avvalroq O‘zbekistonda pullik yo‘lda soatiga 200 km yurish 100 ming so‘mga tushishi haqida xabar berilgandi. Transport vazirligi vakili Hasan Umarovning ta’kidlashicha, narx oddiy yo‘llarda tezlikni oshirganlik uchun amaldagi jarimadan ikki baravar arzon.
Izohlar