O‘zbekistonda chiqindi tashish xizmatlari uchun to‘lovni faqat onlayn amalga oshirish mumkin bo‘ladi
Rasmiylar uyma-uy yurishni to‘xtatishni va shu bilan bu jarayonni soddalashtirishni va shaffoflashtirishni rejalashtirmoqda.
O‘zbekistonda 2026-yildan boshlab jismoniy va yuridik shaxslar uchun chiqindilarni olib chiqib ketish xizmatlari uchun to‘lovlar to‘liq onlayn shaklga o‘tkaziladi O‘zbekistonda 2026-yildan boshlab chiqindilarni olib chiqib ketish xizmatlari uchun to‘lovlar to‘liq onlayn shaklga o‘tkaziladi.
Ma’lumotlarga ko‘ra, chora 2026-yil 1-yanvardan kuchga kiradi. Uyma-uy to‘lovlarni yig‘ish to‘xtatiladi va endi ushbu xizmatlar uchun to‘lovni faqat onlayn rejimda elektron to‘lov tizimlari orqali amalga oshirish mumkin bo‘ladi. Qoraqalpog‘iston, viloyatlar va Toshkent shahridagi barcha sanitar tozalash korxonalariga tegishli ko‘rsatmalar berildi.
Bu aholi uchun qulay to‘lov tizimini yaratishga yordam berishi, shuningdek, billing hisoblarini yuritishda shaffoflikni ta’minlashi va korrupsiya holatlarining oldini olishi rejalashtirilgan. Xususan, endilikda maishiy chiqindilarni olib chiqib ketish xizmatlari uchun to‘lovlar quyidagi usullarda amalga oshiriladi:
- “Toza Makon” billing tizimi orqali;
- elektron to‘lov tizimlari yordamida;
- tijorat banklari kassalari va “O‘zbekiston pochtasi” AJ bo‘limlari orqali (internet aloqasi bilan ta’minlanmagan olis hududlarda joylashgan aholi punktlari uchun).
Ilgari deputatlar axlat uchun qarzlar sababli elektr ta’minotini cheklash muammolari haqida tashvishlanishgandi. Energetika va Ekologiya vazirliklariga parlament so‘rovi yuborildi.
Izohlar