O‘zbekiston mobil internet tezligi reytingida pastladi

O‘zbekiston mobil internet tezligi reytingida sentyabr oyiga nisbatan to‘rt pog‘onaga tushib ketdi.

2024 yil oktyabr oyida O‘zbekiston mobil internet tezligi reytingida 72-o‘rinni egalladi. Bu haqda Speedtest Global Index ma’lumotlaridan oydinlashmoqda.

Reytingga ko‘ra, sentabr oyiga nisbatan mamlakat to‘rt pog‘onaga tushib ketdi, mobil internet tezligi 38,97 Mbit/s deb baholanmoqda.

O‘z navbatida O‘zbekiston simli internet tezligi bo‘yicha 74-o‘rinni egalladi (pozitsiya o‘zgarmadi). O‘rtacha tezlik: 76,12 Mbit/s.

Eng tez mobil internet Birlashgan Arab Amirliklarida qayd etildi – 428,53 Mbit/s. Simli internet tezligi bo‘yicha Singapur yetakchilik qilmoqda – 316,99 Mbit/s.

Oktyabr oyiga qadar O‘zbekiston mobil internet tezligi reytingida ketma-ket to‘rt oy yuqoriga ko‘tarilgan edi: iyun oyida – 89-o‘rindan 77-o‘ringa, iyul oyida – 77-o‘rindan 74-o‘ringa, avgust oyida – 74-o‘rindan 71-o‘ringa, sentabr oyida – 71-o‘rindan 68-o‘ringa.

NOVA24 Instagramʼda. Obuna boʻling
Asosiy yangiliklar va qiziqarli videolar