O‘zbekiston Kaspiy dengizi orqali suvosti aloqa liniyasiga ulanmoqchi
Mamlakat internet trafigining muqobil yo‘nalishiga ega bo‘lishi mumkin.
O‘zbekiston Saudiya Arabistoni bilan birgalikda mamlakatni Qozog‘istondan Ozarbayjonga Kaspiy dengizi orqali o‘tadigan xalqaro aloqa liniyasiga ulash imkoniyatini muhokama qildi, deb xabar berdi DataVolt ijrochi direktori Rajit Nanda “O‘zbekiston 24” telekanali jonli efirida.
Saudiya Arabistonining DataVolt kompaniyasi vakili hozirda barcha internet-trafik Yevropa orqali o‘tayotganini aytib, shu munosabat bilan muqobil yo‘nalishlarni yaratish muhimligini ta’kidladi. Xususan, Kaspiy liniyasiga ulanish aloqa barqarorligi va xavfsizligini ta’minlashi, shuningdek, “ko‘p milliard dollarlik foyda keltirishi” rejalashtirilgan.
Rajit Nandaning ta’kidlashicha, ushbu loyiha O‘zbekiston uchun katta strategik va iqtisodiy ahamiyatga ega, chunki u nafaqat aloqa xavfsizligini ta’minlaydi, balki ko‘p milliard dollarlik foyda keltirishi mumkin. Shu munosabat bilan kompaniya raqamli transformatsiya O‘zbekiston uchun cheksiz salohiyatga ega, deb hisoblaydi.
Avvalroq O‘zbekistonda chekka hududlar uchun yuqori tezlikdagi internet ishga tushirilishi haqida xabar berilgan edi. Rasmiylar internet operatorlarini bir qator soliqlardan ozod qilishni rejalashtirmoqda.
Izohlar