O‘zbekiston eng ko‘p qaysi davlatdan elektromobil import qilgan?

Statistika agentligi O‘zbekiston eng ko‘p qaysi davlatdan elektromobil import qilganini ochiqladi.

O‘zbekiston 2024 yilning yanvar-avgust oylarida xorijdan qiymati 166,8 mln AQSh dollariga 12 913 ta elektromobil import qilgan.

Statistika agentligining dastlabki ma’lumotlariga ko‘ra, 8 oyda O‘zbekiston eng ko‘p elektromobil import qilgan davlatlar orasida Xitoy yetakchilik qilmoqda – 12 840 ta.

Undan keyingi o‘rinlardan mos ravishda 22 ta va 15 ta elektromobil olib kelingan Qozog‘iston hamda Hongkong joy oldi.

Ushbu ko‘rsatkich qolgan davlatlar kesimida quyidagicha ko‘rinishga ega:

• Germaniya – 12 ta;
• BAA – 10 ta;
• AQSh – 9 ta.

NOVA24 Instagramʼda. Obuna boʻling
Asosiy yangiliklar va qiziqarli videolar