O‘zbekiston elchisi Indoneziya prezidentiga ishonch yorliqlarini topshirdi

O‘zbekistonning yangi tayinlangan elchisi Oybek Eshonov Indoneziya prezidentiga ishonch yorliqlarini topshirdi.

O‘zbekistonning favqulodda va muxtor elchisi Oybek Eshonov Indoneziya prezidenti Subianto Prabovoga o‘zining ishonch yorliqlarini topshirdi.

Marosimning rasmiy qismidan so‘ng bo‘lib o‘tgan qisqacha suhbatda davlat rahbari Indoneziya O‘zbekiston bilan do‘stlik, o‘zaro hurmat va manfaatlarni hisobga olish tamoyillariga asoslangan munosabatlarini yuksak qadrlashini ta’kidladi.

Indoneziya prezidenti, shuningdek, mamlakat hukumatining rasmiy Toshkent bilan siyosiy muloqotni faollashtirish va ko‘p qirrali hamkorlikni mustahkamlashdan manfaatdorligini tasdiqladi.

Savdo-iqtisodiy, investitsiyaviy va madaniy-gumanitar sohalarda shuningdek, turizm yo‘nalishida ikki tomonlama hamkorlikni chuqurlashtirish uchun ulkan zaxiralar va foydalanilmagan salohiyat mavjudligi qayd etildi.

Uchrashuv so‘nggida prezident Subianto Prabovo O‘zbekiston prezidentiga samimiy tilaklarni yetkazishni so‘radi.

NOVA24 YouTubeʼda. Obuna boʻling
Asosiy yangiliklar va qiziqarli videolar