Nuriddin Ismoilov Qonunchilik palatasi Spikeri etib saylandi

Deputatlar yashirin ovoz berish yoʻli bilan Qonunchilik palatasining Spikerini sayladi.

Toshkent shahrida yangi chaqiriq Oʻzbekiston Respublikasi Oliy Majlisi Qonunchilik palatasining birinchi tashkiliy majlisi oʻz ishini davom ettirmoqda.

UzA xabariga koʻra, majlisda “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi Qonunga muvofiq, quyi palata aʼzolari Qonunchilik palatasi Spikeri lavozimiga nomzod koʻrsatish uchun deputatlar orasidan Siyosiy partiyalar vakillari kengashini tuzgan.

Qisqa tanaffusdan soʻng, Siyosiy partiyalar vakillari kengashining taklifiga binoan, deputatlar yashirin ovoz berish yoʻli bilan OʻzXDP dan saylangan Nuriddin Ismoilovni Qonunchilik palatasining Spikeri etib saylagan.

NOVA24 TikTokʼda. Obuna boʻling
Asosiy yangiliklar va qiziqarli videolar