Moskvada 11 nafar o‘zbekistonlikning 140 mln so‘mlik ish haqi undirib berildi

Tashqi mehnat migratsiyasiga “Megatron” korxonasi oylik maoshlarini bermayotgani yuzasidan murojaat kelib tushgan.

Moskvada bir guruh o‘zbekistonliklarning 950 ming rubl oylik maoshi undirib berildi, deb xabar qilmoqda Tashqi mehnat migratsiyasi agentligi axborot xizmati.

Unga ko‘ra, Moskva shahrida vaqtincha mehnat faoliyatini amalga oshirayotgan bir guruh yurtdoshimizning “Megatron” korxonasi oylik maoshlarini bermayotgani yuzasidan murojaati kelib tushgan.

Tashqi mehnat migratsiyasi agentligining Moskva shahridagi vakolatxonasi huzuridagi Mehnat migrantlarining murojaatlari bilan ishlash va huquqiy qo‘llab-quvvatlash markazi tomonidan huquqni muhofaza qiluvchi organlar bilan hamkorlikda 11 nafar yurtdoshning 950 ming rubl (salkam 140 mln so‘m) oylik maoshi ish beruvchidan undirib berildi.

NOVA24 Telegramʼda. Obuna boʻling
Tezkor xabarlar va asosiy voqealar