Moliya vazirligi jismoniy va yuridik shaxslar uchun pulli bojxona xizmatlari tariflarini tasdiqladi

O‘zbekistonda bojxona organlari tomonidan jismoniy va yuridik shaxslarga ko‘rsatiladigan pullik xizmatlar ro‘yxati va tariflari tasdiqlandi, deyiladi Moliya vazirligi rahbarining buyrug‘ida.

Ro‘yxatga quyidagi yo‘nalishlar bo‘yicha 68 turdagi xizmatlar kiritildi:

• eksport-import operatsiyalari bo‘yicha axborot olish;
• Markaziy bojxona laboratoriyasi tomonidan ko‘rsatiladigan xizmatlar;
• Bojxona instituti tomonidan ko‘rsatiladigan xizmatlar;
• Milliy kinologiya markazi tomonidan ko‘rsatiladigan xizmatlar.

Markaziy bojxona laboratoriyasi to‘qimachilik matolarining tarkibini aniqlash (BHMning 2 baravaridan 4 baravarigacha), qimmatbaho metallar va toshlardan yasalgan buyumlarni ekspertizadan o‘tkazish (BHMning 0,4 foizidan 1,5 baravarigacha) va boshqa xizmatlarni ko‘rsatadi. Milliy kinologiya markazi 50 dan ortiq xizmatlarni ko‘rsatadi, jumladan:

• mushuk yoki itni klinik tekshiruvdan o‘tkazish va ma’lumotnoma berish (BHMning 10%i);
• mushuk va itlarda oddiy va murakkab operatsiyalarni o‘tkazish (BHMning 30% dan 50% gacha);
• turli kasalliklarni davolash (BHMning 10% dan 30% gacha);
• veterinarning borishi (BHMning 15 foizidan BHMning 1 baravarigacha);
• laboratoriya tekshiruvlari (BHMning 10%i);
• joyiga borib o‘rgatish (1 soat uchun BHMning 50%i).

Mavzuga doir: Xarajatlarni qoplash uchun tariflarni oshirishdan boshqa choramiz yo‘q — Moliya vazirligi rahbari. Jamshid Qo‘chqorov 2028-yildan boshlab gaz va elektr energiyasi narxlarini subsidiyalash tugashini aytdi. Uning so‘zlariga ko‘ra, narxlarni subsidiyalash bilan bog‘liq vaziyat O‘zbekistonda uzoq yillar davomida tariflar oshirilmagani bilan bog‘liq.