MIB xodimlari malaka oshirish kursidan o‘tadi

MIBning jamoatchilik bilan aloqalar va huquqiy axborot bo‘yicha mas’ul xodimlari malaka oshirishga kirishdi, deb xabar beradi Byuro matbuot xizmati.

O‘zbekiston Huquqni muhofaza qilish akademiyasida MIB markaziy apparati mas’ul xodimlari ishtirokida seminar-treninglar boshlandi. Ijro tizimidagi ishlar fuqarolar ishtirokida, jamoatchilik va OAV bilan yaqin hamkorlikda amalga oshiriladi.

So‘nggi yillarda aholiga yanada qulaylik yaratish, ijro hujjatlarining xolis va so‘zsiz ijrosini ta’minlash maqsadida MIB tizimida raqamlashtirish jarayonlari joriy etilmoqda, — deyiladi xabarda.

Ma’lum qilinishicha, islohotlar haqida jamoatchilikni tezkor va ishonchli xabardor qilish axborot xizmati xodimlarining asosiy vazifalaridan biri hisoblanadi. Shu bois seminar-trening davomida ishtirokchilarga zamonaviy media yondashuvlar, kommunikatsiyaning samarali usullari, inqirozli vaziyatlarda axborot siyosatini yuritish tamoyillari bo‘yicha bilim va ko‘nikmalar berildi.

Ekspertlar, huquqshunoslar, jurnalistlar va mutaxassislar quyidagi mavzularda treninglar o‘tkazadi:

• nomulkiy va murakkab ijro harakatlari jarayonida ishtirok etish usullari;
• tezkor sharhlash va intervyu olish ko‘nikmalari;
• axborot xizmati faoliyatini baholash mezonlari;
• inqirozli vaziyatlarda axborot xizmatining roli va zamonaviy yondashuvlar;
• taym-menejment;
• samarali PR-kommunikatsiyani baholash texnologiyalari;
• OAV bilan yaqindan hamkorlik qilish;
• ijtimoiy-psixologik yondashuv

Shuningdek, mashg‘ulotlar davomida Byuro axborot xizmati mas’ul xodimlari qarorlar ijrosini ta’minlash jarayonlari qanday kechishi, salbiy xabarlar bilan ishlash, jamoatchilik bilan aloqalarning yangi usullari (PR), blog va keyslar yozish amaliyoti haqida jamoatchilikning xabardorligini oshiradi.

Ishtirokchilarga amaliy media tadqiqotlari va ma’ruzachilarning haqiqiy ish jarayonidagi muammolar bo‘yicha shaxsiy tajribasiga asoslangan keyslar va tahliliy topshiriqlar taqdim etildi. Mutaxassislar 5 kun davomida o‘z tajribalari bilan mas’ul xodimlar bilan o‘rtoqlashadi, — deyiladi xabarda.

Eslatib o‘tamiz, O‘zbekistonda qarzdorlarni tekshirish xizmati paydo bo‘ldi. MIB sayti orqali muayyan shaxsni ham, kompaniyani ham ular bilan bitim tuzishdan oldin tekshirish mumkin.