Метро Қурбон ҳайити куни икки соатга вақтлироқ иш бошлайди

Қурбон ҳайити кунида Тошкент метрополитени соат 03:00 дан 10:00 га қадар йўловчиларга бепул хизмат кўрсатади.

Тошкент метрополитени Қурбон ҳайити куни поездлар қатнови ҳамда метро иш вақти қандай тартибда амалга оширилиши тўғрисида маълумот берди.

2024 йил 16 июнь — Қурбон ҳайити куни йўловчиларга қулайлик яратиш мақсадида, Тошкент метрополитени одатдагидан икки соат олдин, яъни, тонги соат 03:00 дан иш фаолиятини бошлайди.

Бундан ташқари, Қурбон ҳайити кунида Тошкент метрополитени соат 03:00 дан 10:00 га қадар йўловчиларга бепул хизмат кўрсатади.

Шунингдек, бошқа дам олиш кунларида эса якшанба куни учун тасдиқланган жадвал асосида соат 05:00 дан хизмат кўрсатилади.

NOVA24 Instagramʼda. Obuna boʻling
Asosiy yangiliklar va qiziqarli videolar