Юнусобод туманида юқори кучланишли симёғочда портлаш содир бўлди

Тан жароҳати олганлар йўқ. Туманда электр энергиясида узилишлар кузатилмагани айтилди.

Тошкент шаҳар Юнусобод туманида электр симларида қисқа туташув содир бўлди. Туман ҳокимлиги ахборот хизмати сўровга жавобан ҳолат бўйича маълумот берди.

2024 йил 11 июнь куни тунги вақтларда, соат тахминан 1:00 – 2:00 лар оралиғида Юнусобод тумани 18- ва 19-даҳалар орасидаги Янгишаҳар кўчасидан ўтган юқори кучланишли симёғоч электр симларида қисқа туташув содир бўлган.

Қисқа туташув натижасида тан жароҳати олганлар йўқлиги, электр энергиясидан узилишлар кузатилмагани айтилади. Тошкент шаҳар ФВБга ва электр тармоқларига ҳеч қандай мурожаатлар келиб тушмаган. Воқеа жойига Юнусобод тумани ФВБ масъули чиққан.

NOVA24 Instagramʼda. Obuna boʻling
Asosiy yangiliklar va qiziqarli videolar