Isroil elchisiga nisbatan salbiy izoh yozgan fuqaro qamaldi
Isroil elchisi haqidagi izohi uchun IIBga chaqirilganda janjal ko‘targan erkak 10 sutkaga qamaldi.
![Isroil elchisiga nisbatan salbiy izoh yozgan fuqaro qamaldi](https://nova24.uz/uz/wp-content/uploads/2024/07/photo_2024-07-25_14-57-57.jpg)
2024-yil iyul oyining 24 kuni jinoyat ishlari bo‘yicha Mirzo Ulug‘bek tuman sudida O‘zbekistondagi Isroil elchisi missiyasini yakunlayotgani haqidagi xabariga elchixona joylashgan manzilni so‘rab izoh yozgan va shu kommenti bo‘yicha IIBga chaqirilganda xodimlarga bo‘ysunmagan fuqaroga sud hukmi o‘qildi.
Sud hujjatiga ko‘ra, 1987-yilda tug‘ilgan R.A. 2024-yil 19-iyun kuni Telegram messenjeridagi “Chat-live Quds” nomli kanalga Isroilning O‘zbekistondagi elchisi o‘z missiyasini yakunladi mazmunidagi postga nisbatan “Nima degani bu tarjima qilinglarchi, yaxshi gapmi yoki yomon gapmi, shu elchixonaning lokatsiyasi yo‘qmi, lashkarlarimiz tish tirnog‘i bilan qo‘riqlanayotgandir” degan mazmundagi izoh qoldirgan.
Shundan so‘ng u Mirzo Ulug‘bek tuman IIO FMB binosiga taklif qilingan. Fuqaro shu jarayonda IIB xodimlarining qonuniy talablariga bo‘ysunmasdan jamoat joyi hisoblanadigan IIO FMB binosiga kirish ko‘chasida baqir-chaqir qilib, har xil uyatsiz so‘zlar bilan so‘kinib, jamoat tartibi va fuqarolar osoyishtaligini buzgan.
Sud majlisida R.A. IIB xodimlarining qonuniy talablariga bo‘ysungan holda kelgani, ortiqcha xatti-harakat qilmaganini aytib, birinchi marotaba ogohlantirish berilishlarini so‘radi.
Sud hukmiga ko‘ra, R.A. Ma’muriy javobgarlik to‘g‘risidagi kodeksning 183-moddasi (Mayda bezorilik) va 194-moddasi (Ichki ishlar xodimlarining qonuniy talabiga bo‘ysunmaslik) 1-qismida nazarda tutilgan huquqbuzarliklarni sodir etganlikda aybli deb topildi. Unga bazaviy hisoblash miqdorining 2 baravari miqdorida, ya’ni 680 ming so‘m jarima jazosi va uzil-kesil 10 sutka ma’muriy qamoq jazosi tayinlandi.
Jazo o‘talganidan so‘ng huquqbuzar R.A.ning maxsus qabulxonada saqlash bilan bog‘liq bo‘lgan xarajatlar uchun ma’muriy qamoqning har bir sutkasi uchun bazaviy hisoblash miqdorining 15 foizi miqdorida, ya’ni 510 ming so‘m miqdordagi mablag‘ undirilishi belgilandi.
Мавзуга оид хабарлар:
IIBB Toshkentdagi musiqa festivalida yuzaga kelgan janjal boʻyicha munosabat bildirdi Sobiq vazir Aziz Voitov ishi sudda ko‘rib chiqildi Pavel Durov garov puli evaziga ozod etildi Namangan viloyati hokimi o‘rinbosari 7,5 yilga qamaldi Farg‘onada fuqaro IIO xodimini urib, tan jarohati yetkazdi
Soʻnggi yangiliklar
![Andijonda tadbirkorga kredit bermagan bankdan 200 mln so‘m undirildi](https://nova24.uz/uz/wp-content/uploads/2024/09/2024-09-06-20.26.03-lMSaXPr9-300x196.jpg)
![Uch yildan beri qidiruvda bo‘lgan o‘zbekistonlik ayol Turkiyadan deport qilindi](https://nova24.uz/uz/wp-content/uploads/2024/09/image_2024-09-07_15-28-47-300x165.png)
![Jizzaxda o‘zganing nomiga onlayn kredit rasmiylashtirgan soxta bank xodimi ushlandi](https://nova24.uz/uz/wp-content/uploads/2024/09/photo_2024-07-24_22-40-46-300x194.jpg)
![Roʻza Qoʻziyeva Paralimpiyada kumush medaliga ega chiqdi](https://nova24.uz/uz/wp-content/uploads/2024/09/image_2024-09-07_16-42-06-300x180.png)
![Toshkentda aksiz markasiz alkogol mahsulotlari savdodan olindi](https://nova24.uz/uz/wp-content/uploads/2024/09/image_2024-09-07_13-38-11-300x191.png)
![Paralimpiyada. Oʻzbekistonning oltin medallari soni 10 taga yetdi](https://nova24.uz/uz/wp-content/uploads/2024/09/photo_2024-09-07_15-08-16-300x185.jpg)
![Ohangaron va Namanganda elektrdan noqonuniy foydalanish holatlari aniqlandi.](https://nova24.uz/uz/wp-content/uploads/2024/09/iu-vyNzpT_--300x168.jpg)
![Ayrim o‘qituvchilarga kabinet mudirligi uchun ham qo‘shimcha haq to‘lanadi](https://nova24.uz/uz/wp-content/uploads/2024/09/image_2024-09-07_13-18-12-300x169.png)