Husanov transferi uchun kurashga “Tottenxem” ham qo‘shildi

Angliyaning “Tottenxem” klubi Abduqodir Husanovning o‘yinlarini diqqat bilan ko‘rib chiqmoqda.

“Lans”ning o‘zbekistonlik himoyachisi Abduqodir Husanovga Angliyaning “Tottenxem” klubi ham qiziqish bildirmoqda. Bu haqda “TEAMtalk” xabar berdi.

Manbaga ko‘ra, hozirda “shporlar” klubi Husanovning o‘yinlarini diqqat bilan ko‘rib chiqmoqda. 20 yoshli futbolchi Liga 1 dagi o‘yinlari uchun yuqori baholanmoqda va agar u “Tottenxem” bilan shartnoma imzolasa, O‘zbekistondan Angliya chempionatida o‘ynaydigan birinchi futbolchiga aylanishi mumkin.

Qayd etish joiz, “Tottenxem”dan tashqari Angliyaning “Manchester Siti” va “Nyukasl” klubi futbolchi transferi ustida jiddiy bosh qotirmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar