Фарғонадаги истироҳат боғида бир гуруҳ йигитлар ўртасида жанжал юз берди

Мазкур ҳолат шу жойнинг ўзида ички ишлар органлари ходимлари томонидан бартараф этилган.

Фарғона вилояти Бувайда туманидаги «Мега парк»да жанжаллашган шахслар маъмурий жавобгарликка тортилди. Бу ҳақда вилоят ИИБ ахборот хизмати хабар берди.

Қайд этилишича, 16 июнь куни вояга етмаганлар О.М., М.А. ҳамда А.Ш. мазкур парк ҳудудида ўзаро гап талашиб, жанжаллашган. Жанжалга вояга етмаган А.Ш.нинг қариндоши Ш.Ш. ҳам аралашган.

Мазкур ҳолат шу жойнинг ўзида ички ишлар органлари ходимлари томонидан бартараф этилиб, юқоридаги шахсларга нисбатан Маъмурий жавобгарлик тўғрисидаги кодекснинг 52- (енгил тан жароҳати етказиш), 183-моддалари (майда безорилик) билан ҳужжатлар расмийлаштирилган ва тегишли судловга юборилган.

NOVA24 Instagramʼda. Obuna boʻling
Asosiy yangiliklar va qiziqarli videolar