Chiroqchi hokimi fuqaroga qo‘l ko‘tardi

Fayzulla Yusupov IIB xodimlari yonida turgan fuqaroga tarsaki tushirdi.

Ijtimoiy tarmoqlarda Chiroqchi tumani hokimi Fayzulla Yusupov fuqaroga tarsaki tushirgani aks etgan video lavha tarqaldi. Voqea joyida IIB xodimlari ham bo‘lgan.

Video lavhada ko‘rinishicha, hokim IIB xodimlari gaplashib turgan fuqaro oldiga kelgan va kutilmaganda uning yuziga tarsaki tortib yuborgan. Holat qachon va qayerda sodir bo‘lgani ma’lum emas.

Chiroqchi tumani hokimligi matbuot xizmati rahbari Sobit Abdunaimov holatga to‘la izoh bermadi. U faqtgina tez orada rasmiy munosabat bildirilishini ma’lum qildi.

Videoga izoh beruvchiga ko‘ra, tuman hokimi avvaliga tandirni tepgan va so‘ngra IIB xodimlari yonida turgan fuqaroga tarsaki tushirgan. Holat bo‘yicha boshqa ma’lumot yo‘q.

NOVA24 YouTubeʼda. Obuna boʻling
Asosiy yangiliklar va qiziqarli videolar