Centrum Air Toshkentdan Tel-Avivga toʻgʻridan-toʻgʻri aviareyslarni yoʻlga qoʻyadi

Zamonaviy Airbus A320 samolyotlari parvozlarni haftasiga ikki marta amalga oshiradi.

Toshkentdan Tel-Avivga toʻgʻridan-toʻgʻri reys yoʻlga qoʻyiladi, uni Centrum Air aviakompaniyasi yoʻlga qoʻyadi.

Parvozlar 10-apreldan boshlanadi, Airbus A320 samolyotlari seshanba va payshanba kunlari joʻnatiladi. Dastlabki toʻrtta reys yoʻlovchilar uchun promo-tariflar bilan amalga oshiriladi — yuk bilan ikki tomonga chipta narxi 393 dollardan boshlanadi.

Parvozlar jadvali quyidagicha boʻladi:

• C6371 reysi – Toshkentdan joʻnash soat 17:55 da, Tel-Avivga yetib kelish soat 21:35 da (seshanba);
• C6372 reysi – Tel-Avivdan joʻnash 22:45 da, Toshkentga yetib kelish 05:55 da (seshanba);
• C6371 reysi – Toshkentdan uchish 07:15, Tel-Avivga kelish 10:55 (payshanba);
• C6372 reysi – Tel-Avivdan uchish 12:55, Toshkentga kelish 20:05 (payshanba).

NOVA24 Instagramʼda. Obuna boʻling
Asosiy yangiliklar va qiziqarli videolar