Белгия Ўзбекистондан дуккакли экинлар ва қуритилган мевалар импортини оширади

Ўзбекистон экспорт маҳсулотлари турларини диверсификация қилиш ва кенгайтириш, қуритилган мева ва сабзавотлар етказиб бериш ҳажмини ошириш бўйича келишувга эришилди.

Ўзбекистон элчиси Ғайрат Фозилов Белгиянинг GroupDepre компаниялар гуруҳи бош директори Каролин Депре билан учрашув ўтказди.

Дунё хабарига кўра, мулоқот чоғида икки мамлакат ўртасидаги савдо-иқтисодий алоқаларни кенгайтириш, Европа бозорига Ўзбекистон маҳсулотлари экспортини ошириш масалалари муҳокама қилинди.

Белгия вакилига Ўзбекистонда амалга оширилаётган кенг кўламли ислоҳотларнинг самарали натижалари, шунингдек, республикада саноат ва тадбиркорликни ривожлантириш борасидаги дастурлар ҳақида батафсил маълумот берилди.

Бўлиб ўтган музокаралар якунида Ўзбекистондан дуккакли экинлар импортини 2023 йилга нисбатан икки бараварга кўпайтириш, шунингдек, Ўзбекистон экспорт маҳсулотлари турларини диверсификация қилиш ва кенгайтириш, хусусан, қуритилган мева ва сабзавотлар етказиб бериш ҳажмини ошириш бўйича келишувга эришилди.

NOVA24 YouTubeʼda. Obuna boʻling
Asosiy yangiliklar va qiziqarli videolar