Бўстонлиқдаги тоғларда адашиб қолган 4 киши қутқарилди

Тошкент вилояти Бўстонлиқ туманидаги Кичик Оқсой тоғига сайр қилиш мақсадида бориб, йўлдан адашган фуқароларга ёрдам кўрсатилди.

Тошкент вилояти Фавқулодда вазиятлар бошқармасига Бўстонлиқ туманидаги Кичик Оқсой тоғига сайр қилиш мақсадида борган 4 нафар фуқаро йўлдан адашиб қолгани ва уларга ёрдам зарурлиги тўғрисида хабар тушган.

Хабарга асосан, Чимён ёнғин-қутқарув отрядининг бир гуруҳ қутқарувчилари зудлик билан айтилган манзилга етиб бориб, қидирув-қутқарув ишларини амалга оширган.

Олиб борилган саъй-ҳаракатлар натижасида йўлдан адашган фуқаролар Кичик Оқсой тоғининг денгиз сатҳидан 2000 метр баландликда экани аниқланиб, соғ-саломат хавфсиз ҳудудга олиб тушилган. Ҳодиса оқибатида тан жароҳати олган ва ҳалок бўлганлар йўқ.

NOVA24 TikTokʼda. Obuna boʻling
Asosiy yangiliklar va qiziqarli videolar