Avtomobilning yurish masofasini soxtalashtirganlik uchun javobgarlik joriy etilishi mumkin
Qoidabuzarlar katta miqdorda jarimaga tortilishi mumkin.
O‘zbekistonda avtomobilni sotishdan oldin uning yurgan masofasini yashirish faktiga ma’muriy javobgarlik kiritilishi rejalashtirilmoqda. Bu haqda hujjat loyihasidan ma’lum bo‘lmoqda.
Mutaxassislarning ta’kidlashicha, so‘nggi paytlarda mamlakatda g‘ildiraklarning harakat paytida bajaradigan aylanishlarini hisoblaydigan odometr ko‘rsatkichlarini soxtalashtirish holatlari qayd etilmoqda. Bunday manevr sotuvchilarga ishlatilgan avtomobillarni yuqori narxlarda sotish imkonini beradi.
Shu munosabat bilan rasmiylar vijdonsiz fuqarolar uchun ma’muriy javobgarlikni joriy etishni taklif qildi. Xususan, transport vositasi sotilgunga qadar xaridorga odometr qurilmasining ko‘rsatkichlari o‘zgartirilganligi yoki qurilmaning o‘zi almashtirilganligi to‘g‘risida xabar bermaslik BHMning 10 baravaridan 15 baravarigacha (4,12 mln so‘mdan 6,18 mln so‘mgacha) miqdorda jarima solishga sabab bo‘ladi.
Avvalroq kameralar tomonidan qayd etilgan qoidabuzarliklar uchun jarima ballari hisoblanishi xabar qilingandi. Mamlakatda avtomobil egasi va haydovchisi o‘rtasida javobgarlikni taqsimlash tartibi joriy etiladi.
Izohlar