Қашқадарёдаги мактабда 15 ёшли ўқувчи калтакланиши сабаб умуртқаси синди
Ўқувчига биринчи ёрдам кўрсатилмагани ва ИИБга мурожаат қилинмагани учун мактаб директори ишдан олинди.
Қашқадарё вилояти Қарши туманидаги 55-мактабда 15 ёшли ўқувчининг умуртқаси тенгқурлари томонидан калтакланиши оқибатида синган. Ўқувчининг онаси ижтимоий тармоқларда ўғлига ўша вақтда биринчи ёрдам кўрсатилмагани ва ҳолат юзасидан ИИБга мурожаат қилинмаганини маълум қилган.
Қашқадарё вилояти мактабгача ва мактаб таълими бошқармаси маълум қилишича, мурожаат ижтимоий тармоқларда ёритилишдан аввал ҳам Қашқадарё вилояти Мактабгача ва мактаб таълими бошқармаси томонидан ўрнатилган тартиб асосида Қарши туманидаги 55-мактаб фаолияти ўрганилган.
Шунингдек, ўқувчилар ўртасида юзага келган ҳолат ҳуқуқни муҳофаза қилувчи орган ходимлари томонидан ўрганилиб, қонуний тўхтамга келинган. Маълумот учун, Қашқадарё вилояти Мактабгача ва мактаб таълими бошқарма бошлиғининг 2024 йил 19 мартдаги тегишли буйруғи билан Қарши туманидаги 55-сонли умумий ўрта таълим мактаб директори М.П билан Ўзбекистон Республикаси Меҳнат кодексининг 157-моддаси 2-қисмига асосан тузилган меҳнат шартномаси бекор қилинган.
Мавзуга оид хабарлар:
Қашқадарёда қўйлари дарахт кўчатларига шикаст етказган фуқаро 17 млн сўм жаримага тортилди Самарқандда ўқувчи қизга шилқимлик қилган ўқитувчи 3 суткага қамалди Мактаб ўқувчиларининг хорижга вақтинча чиқиш тартиби ўзгариши мумкин Ўзбекистондаги мактабларда дарс бераётган ўқитувчилар сони маълум қилинди Андижонда яроқсиз ҳолатга келиб қолган мактаб ва боғчалар бузилади