Андижонда яроқсиз ҳолатга келиб қолган мактаб ва боғчалар бузилади

Вилоят ҳокими қарорига кўра, 11 та мактаб ва 9 та боғча бузилиши белгиланди.

Андижон вилоятида яроқсиз ҳолатга келиб қолган мактаб ва боғчалар бузилади. Бу ҳақда вилоят ҳокими Шуҳрат Абдураҳмоновнинг тегишли қарори қабул қилинди.

Қайд қилинишича, 11 та мактаб ва 9 та боғча бузилади. Бунга Андижон вилояти Қурилиш соҳасида назорат инспекцияси хулосаси ҳамда Мактабгача ва мактаб таълими бошқармаси хати асос қилиб олинган. Биноларни бузишдан олинган яроқли материалларни балансда сақловчи ташкилотларга кирим қилинади. Бузилишдан бўшаган ер майдонлари таълим бошқармаси балансида қолдирилади.

Биноларнинг энг эскиси 1937 йилда, яна иккитаси 1938 йилда қурилган. Яроқсиз ҳолатга келиб қолган бинолар орасида 1985 йилда қурилган мактабгача таълим ташкилоти ҳам бор.

NOVA24 Instagramʼда. Обуна бўлинг
Асосий янгиликлар ва қизиқарли видеолар