Andijondagi kanaldan qirgʻizistonlik yosh qizning jasadi topildi

Viloyat hokimligi va tegishli organlar tomonidan mazkur oilani qoʻllab-quvvatlash harakatlari tashkil etildi.

14-iyul kuni Andijon viloyati Xoʻjaobod tumanidan oqib oʻtuvchi Shahrixonsoy kanalidan kichik yoshdagi shaxsning jasadi topildi, deya xabar bermoqda viloyat hokimligi matbuot xizmati.

Qayd etilishicha, Jalaquduq va Xoʻjaobod tumanlarida bu yoshdagi farzandini yoʻqotgan hech bir oila aniqlanmagan. 5−6 yoshli qiz Qirgʻizistonning Oʻsh shahridan oqib kelgan boʻlishi mumkin.

Yuborilgan fotosurat orqali Oʻshdagi oila vakili bu qizaloq uning oʻz oilasidan ekanini tasdiqlagan. Hozirda oila vakili Xoʻjaobod tumani sari yoʻlga chiqqanini bildirgan. Viloyat hokimligi va tegishli organlar tomonidan mazkur oilani qoʻllab-quvvatlash harakatlari tashkil etildi.

NOVA24 Instagramʼda. Obuna boʻling
Asosiy yangiliklar va qiziqarli videolar