2025-yil boshidan buyon o‘zbekistonliklar tibbiy xizmatlarga 16,5 trillion so‘m sarfladi
Sog‘liqni saqlash xizmatlaridan eng ko‘p Toshkent shahri aholisi, eng kam Navoiy viloyati aholisi foydalangan.
Milliy statistika qo‘mitasi ma’lumotlariga ko‘ra, 2025-yil boshidan buyon o‘zbekistonliklar tibbiy xizmatlarga 16,5 trillion so‘m sarflagan, eng ko‘p sog‘liqni saqlash xizmatlarini Toshkent shahri aholisi olgan.
Ma’lumotlarga ko‘ra, bu ko‘rsatkich 2024-yilning mos davri bilan solishtirilganda 15,4% ga oshgan. Ko‘rsatilgan bozor xizmatlarining umumiy hajmida sog‘liqni saqlashning ulushi 2% ni tashkil etdi. Xususan, 2025-yilning yanvar-oktyabr oylarida fuqarolarga 16,5 trln so‘mlik tibbiy xizmatlar ko‘rsatilgan.
Shu bilan birga, eng ko‘p sog‘liqni saqlash xizmatlarini Toshkent shahri aholisi olgan — 7,7 trln so‘m. Ikkinchi va uchinchi o‘rinlarda Toshkent va Samarqand viloyatlari bo‘lib, ularda fuqarolar xizmatlar uchun 1,6 va 1,2 trln so‘m sarflagan. Keyinchalik, hududlar bo‘yicha sog‘liqni saqlash xizmatlari hajmi quyidagicha bo‘ldi:
- Farg‘ona viloyati – 1,1 trln so‘m
- Namangan viloyati – 747,7 mlrd so‘m
- Andijon viloyati – 739 mlrd so‘m
- Buxoro viloyati – 640,1 mlrd so‘m
- Qashqadaryo viloyati – 612,8 mlrd so‘m
- Xorazm viloyati – 557,8 mlrd so‘m
- Surxondaryo viloyati – 416,8 mlrd so‘m
- Jizzax viloyati – 398,8 mlrd so‘m
- Sirdaryo viloyati – 293,1 mlrd so‘m
- Qoraqalpog‘iston R. – 285,6 mlrd so‘m;
- Navoiy viloyati – 269 mlrd so‘m
Avvalroq, 2025-yilning yanvar-oktyabr oylarida O‘zbekiston fuqarolari 10 trln so‘mlik sug‘urta xizmatlaridan foydalangani haqida xabar berilgandi. Bu ko‘rsatkich 2024-yilning mos davri bilan solishtirilganda 2,6 trln. so‘mga yoki 35% ga oshgan.
Izohlar