“Real Madrid” Ispaniyadagi toshqinida jabrlanganlar uchun 1 mln dollar xayriya qildi

Klub shuningdek, Qizil xoch bilan birgalikda suv toshqini qurbonlari uchun pul yig‘ish aksiyasini boshlagan.

Ispaniya janubi-sharqiga sovuq havo oqimi “Dana” to‘fonini va kuchli yomg‘irlarni olib keldi, bu esa kuchli suv toshqinlariga sabab bo‘ldi. Xabarlarga ko‘ra, hodisa oqibatida kamida 95 kishi halok bo‘lgan. Valensiyaning ayrim hududlarida suv bosgani tufayli elektr va aloqada uzilishlar yuzaga kelgan, ko‘priklar vayron bo‘lgan.

Ispaniya qirollik futbol federatsiyasi La Liga va Segundaning 5 ta o‘yinini qoldirgani aytilgandi. Ular orasida “Valensiya” — “Real” o‘yini ham bor.

Madrid klubi suv toshqini oqibatida jabrlanganlarga 1 million dollar xayriya qilishini ma’lum qildi. Shuningdek, “Real” Qizil xoch bilan birgalikda suv toshqini qurbonlari uchun pul yig‘ish aksiyasini boshlagan.

NOVA24 Instagramʼda. Obuna boʻling
Asosiy yangiliklar va qiziqarli videolar