Qozog‘iston sayohat uchun eng yaxshi mamlakatlar qatoriga kirdi

Qozog‘istonni 2025-yilda sayohat qilish uchun eng yaxshi mamlakatlar qatoriga kiritildi.

Xalqaro Lonely Planet nashri Qozog‘istonni 2025-yilda sayohat qilish uchun eng yaxshi mamlakatlar qatoriga kiritdi.

Respublika o‘zining boy tarixi, rang-barang landshaftlari va noyob madaniy merosi bilan boshqa mamlakatlar orasida ajralib turadi.

Qozog‘iston faqatgina tashrif buyurish joyi emas, balki kashf etilishi lozim bo‘lgan butun bir olam, amalga oshirilishi kerak bo‘lgan sayohat va siz bir qismiga aylanadigan tarixdir. Qadimiy Ipak yo‘lining shivirlashi Qozog‘iston shaharlarini o‘rab turgan bepoyon dasht-u sahrolarda his etiladi, deydi nashr mualliflari.
Bugungi kunda Qozog‘istonning sayyohlik sohasida yarim millionga yaqin kishi mehnat qilmoqda, sohaga kiritilgan sarmoyalar hajmi esa 1,6 milliard dollarga yetgan. Markaziy Osiyoning eng yirik mamlakatida 14 ta milliy bog‘ mavjud bo‘lib, 2023-yil yakunlariga ko‘ra ularga 2,4 million sayyoh tashrif buyurgan, bu o‘tgan yilga nisbatan 20 foiz ko‘pdir.

NOVA24 YouTubeʼda. Obuna boʻling
Asosiy yangiliklar va qiziqarli videolar