Pavel Durov Telegram video platformaga aylanishini aytdi

Telegram asoschisi messenjerni video platformaga aylantirish rajalashtirilayotganini ma’lum qildi.

A man is seen as a silhouette as he checks a mobile device whilst standing against an illuminated wall bearing Telegram’s logo in this arranged photograph in London, U.K., on Tuesday, Jan. 5, 2016. The Telegram messaging app, which allows users to encrypt text that self-destructs on a timer, took down a number of channels Islamic State was using for propaganda, highlighting the actions some online companies are taking to react to terrorism. Photographer: Chris Ratcliffe/Bloomberg

Telegram asoschisi Pavel Durov messenjer video platformaga aylanishi uchun “birinchi qadam qo‘yilgani”ni aytdi. U messenjerda videoni ko‘rish endi ancha qulay bo‘lishini bildirdi.

Durovning eslatishicha, shu paytgacha Telegram’dagi turli chat va kanallarda videolavhalar qanday formatda yuklangan bo‘lsa, xuddi shu ko‘rinishda namoyish etilardi. Natijada foydalanuvchilar gigabaytlab ma’lumotlarni yuklab olishga va videolavhaning to‘liq yuklanishini kutishga majbur bo‘lardi. Messenjer asoschisi hatto qisqa videolarni ko‘rishda ham muammolar yuzaga kelganini ta’kidladi.

Bugungi yangilanish bilan Telegram serverlari ommabop videolarni bir nechta sifat variantlariga qisqartiradi va ularni oqimli uzatish uchun optimallashtiradi, dedi Pavel Durov.

Uning so‘zlariga ko‘ra, mazkur yangilik tufayli messenjer internet tezligiga qarab avtomatik ravishda videoni yuklashga mos keladigan sifatni tanlaydi.