O‘zbekistonliklar doimiy yashash uchun asosan qaysi davlatga ko‘chib ketayotgani aytildi

O‘zbekiston fuqarolari asosan qaysi xorijiy mamlakatlarga doimiy yashash uchun ko‘chib ketayotgani ochiqlandi.

O‘zbekistondan doimiy yashash uchun ko‘chib ketganlarning asosiy qismi Qozog‘iston (82,4 foiz) va Rossiyaga (14,2) yo‘l olgan.

Xususan, 9 oy davomida mamlakatdan ko‘chganlar soni quyidagicha:

• Qozog‘istonga – 6 903 kishi;
• Rossiyaga – 1 193 kishi;
• Qirg‘izistonga – 49 kishi;
• Janubiy Koreyaga – 60 kishi;
• Turkmanistonga – 30 kishi;
• boshqa mamlakatlarga – 139 kishi.

Taqqoslash uchun, 2023 yilning yanvar–sentabr oylarida O‘zbekistondan 14 666 kishi chet elga doimiy yashash uchun ko‘chib ketgandi. O‘shanda ham eng ko‘p ko‘chish Qozog‘istonga (11 921 kishi) to‘g‘ri kelgan.

NOVA24 YouTubeʼda. Obuna boʻling
Asosiy yangiliklar va qiziqarli videolar