Endilikda Tojikistonda folbinga borganlar ham jazolanadi

Tojikiston Ichki ishlar vazirligi mamlakatda jodugarlik va folbinlikka qarshi kurashishning yangi usulini e’lon qildi.

Endilikda Tojikistonda nafaqat jodugar va folbinlar, balki ularga murojaat qilayotgan fuqarolarga nisbatan ham chora ko‘radi.

O‘tkazilgan tezkor-profilaktik tadbirlar natijasida folbin va jodugarlarga murojaat qilayotgan fuqarolar ularning xizmatlarini to‘lab, bu faoliyatni rivojlantirayotgani aniqlandi, deyiladi Tojikiston Ichki ishlar vazirligi xabarida.

Birgina iyul oyida vazirlikda 150 dan ortiq shunday shaxs ro‘yxatga olingan va ularga nisbatan qonunga muvofiq choralar ko‘riladi.

Sehrgarlik xizmatlari so‘rab murojaat qilgan barcha shaxslar IIVning hududiy organlariga chaqiriladi, ularga nisbatan tegishli bayonnomalar tuzilib, ma’lumotlari va fotosuratlari idora ma’lumotlar bazasiga kiritiladi, deya ta’kidlanadi vazirlik xabarida.

NOVA24 Telegramʼda. Obuna boʻling
Tezkor xabarlar va asosiy voqealar