Qayd etilishicha, yaqin oylar ichida barcha foydalanuvchilar bosqichma-bosqich ushbu qidiruv tizimidan foydalanishlari mumkin boʻladi.

ChatGPT Search chatbot sahifasida, matn yoziladigan maydonda paydo boʻlgan. U foydalanuvchi uchun kerakli maʻlumotni qidiradi va manbaga havola taklif qiladi.

Soʻrov boʻyicha tayyorlangan javob foydalanuvchiga qulaylik tugʻdirish maqsadida tartiblangan holatda taqdim etiladi. Kompaniya qidiruv tizimi uchun faqat ishonchli axborot manbalaridan foydalanishga vaʻda berdi.

Endi ChatGPT internetda qidiruvlarni oldingidan koʻra sezilarli darajada yaxshiroq amalga oshiradi. Avvallari qidiruv tizimiga murojaat qilingan boʻlsa, endi siz muhim savollarga kerakli veb-resurslarga havola berilgan holda tezkor javob olishingiz mumkin, deyiladi xabarda.

Hozirda qidiruv tizimidan chatgpt.com rasmiy sayti hamda bir nechta mobil ilovalar orqali foydalanish mumkin. ChatGPT Plus hamda Teamʻning barcha foydalanuvchilari uni bugunning oʻzida ishlatib koʻrishlari mumkin. Enterprise va Edu foydalanuvchilariga ega yaqin haftalarda shunday imkoniyat taqdim etiladi.