O‘zbekistonning oltin-valyuta zaxiralari bir oyda rekord darajada oshdi

O‘zbekistonning oltin-valyuta zaxiralari iyul oyida 1,06 milliard dollarga o‘sgan holda 37,4 milliard dollarni tashkil qildi.

O‘zbekistonning rasmiy zaxira aktivlari 1-avgust holatiga ko‘ra, iyul oyida 1,06 milliard dollarga o‘sgan holda 37,4 milliard dollarni (+2,9 foiz) tashkil etdi. Bu statistikaning butun davri uchun rekord ko‘rsatkichdir, deb xabar bermoqda Markaziy bank.

Regulyator ma’lumotlariga ko‘ra, o‘tgan oyda xorijiy valyutadagi zaxiralar yana 781,5 mln dollarga — 8,47 mlrd dollardan 7,69 mlrd dollargacha kamaygan (iyun oyida 796,9 mln dollarga kamaygan). Yil boshidan beri (yanvar-iyul) valyuta zaxiralari 1,68 milliard dollarga kamaydi, bu, jumladan, 2019-yilda mamlakat chiqargan 500 million dollarlik suveren yevroobligatsiyalar bo‘yicha qarzni to‘lash hisobiga sodir bo‘ldi.

Zaxiralardagi oltinning fizik hajmi yana 310 ming troy unsiyaga (9,64 tonna, iyun oyida 9,3 tonnaga o‘sgan) — 12,05 million troy unsiyaga (374,8 tonna) oshdi.

Oltin zaxiralari qiymati yana 1,84 milliard dollarga oshib, 27,32 milliard dollardan 29,16 milliard dollargacha yetdi. Iyul oyida oltin kotirovkalari unsiya uchun 2325 dan 2445,76 (2480 gacha) dollarga (+5,2%) oshdi.

Shuningdek, 35,3 mln dollarlik AQSh g‘azna obligatsiyalari ham zaxirada turibdi. Avvalroq regulyator oltin-valyuta zaxiralarini diversifikatsiya qilishga kirishgani va xorijiy mamlakatlarning davlat obligatsiyalarini sotib ola boshlaganini ma’lum qilgandi.

Zaxiralarning o‘sishiga qaramay, u 12 oylik importni qoplashga yetadi (ilgari 20 oy edi).

NOVA24 Instagramʼda. Obuna boʻling
Asosiy yangiliklar va qiziqarli videolar