Oʻzbekiston litiy qazib olishni yoʻlga qoʻyishni rejalashtirmoqda

Oʻzbekistonning investitsiyaviy takliflaridan biri Toshkent viloyati Ohangaron tumanidagi Nurlikon litiy konini oʻzlashtirishdir.

Qozogʻistonning “Infozakon” elektron nashrida “Oʻzbekiston sanoat uchun muhim foydali qazilmalarga ortib borayotgan jahon talabiga qanday javob bermoqda” sarlavhali maqola eʼlon qilindi.

“Oʻzbekiston–2030” strategiyasida uglevodorod zaxiralarini koʻpaytirish, 60 ming kvadrat metr maydonda sohani modernizatsiya va raqamlashtirish, ularga xorijiy investorlarni jalb etishga qaratilgan geologiya-qidiruv ishlari belgilab berilgan, deb maʼlum qilingan materialda.

“Mamlakatda geologiya sanoatiga har yili trillion soʻm mablagʻ yoʻnaltiriladi, — deb yozgan muallif. — Maqsadli dasturlarning amalga oshirilishi natijasida oʻtgan yili togʻ-kon sanoatida mahsulot ishlab chiqarish hajmi qariyb 11 milliard dollarga yetdi”.

Materialda qayd etilishicha, sanoat uchun muhim foydali qazilmalar uchun katta foydalanilmagan salohiyat mavjud. Xususan, mamlakatda ana shunday foydali qazilmalarning 32 turi topilgan.

Nashrda dunyo texnologiyaning jadal rivojlanishini boshdan kechirayotgani, shu sababli elektr avtomobillari, elektrotexnika sanoati va “yashil” energiyada nodir metallarga talab ortib borayotgani taʼkidlangan. Ushbu omillar jahon bozorida molibden, tellur, selen va grafitning narxi sezilarli darajada oshiga olib keldi.

Maqolada, shuningdek, Oʻzbekistonda muhim foydali qazilmalar va noyob yer elementlarini oʻrganish, qazib olish va qayta ishlash boʻyicha bir qator muhim chora-tadbirlar amalga oshirilayotgani maʼlum qilingan.

Xususan, 2023-yilda Toshkentda boʻlib oʻtgan “Innoprom. Markaziy Osiyo” xalqaro sanoat koʻrgazmasi arafasida davlat litiy qazib olishni yoʻlga qoʻyish niyatida ekani xabar qilingan. Oʻzbekistonning investitsiyaviy takliflaridan biri Toshkent viloyatining Ohangaron tumanidagi Nurlikon litiy konini oʻzlashtirishdir.

NOVA24 Telegramʼda. Obuna boʻling
Tezkor xabarlar va asosiy voqealar