Toshkentning bir qismida issiq suv o‘chiriladi
Iste’molchilardan uzr so‘raldi.
29-sentyabr kuni Toshkentning Mirzo Ulug‘bek tumanida issiq suv ta’minoti to‘xtatiladi, deya xabar berdi Veolia Energy matbuot xizmati.
Ma’lumotlarga ko‘ra, soat 09:00 dan 22:00 gacha Mingbuloq ko‘chasida diametri 700 mm bo‘lgan quvurni kesish va qayta yotqizish ishlari olib borilishi munosabati bilan quyidagi mavzelarda 2-IM issiqlik markazidan issiq suv ta’minoti vaqtincha to‘xtatiladi:
- Qorasuv-1, 2, 3, 4, 6;
- Bo‘z-2;
- Feruza.
Qurilish-montaj ishlari uy-joylarning bir qismiga, shuningdek, ijtimoiy obyektlarga ta’sir qiladi.
Barcha vaqtinchalik o‘chirishlar issiqlik ta’minoti sifatini yaxshilashga qaratilgan. Keltirilgan noqulayliklar uchun uzr so‘raymiz va tushunganingiz uchun minnatdorchilik bildiramiz, — deya ta’kidladi Veolia Energy.
Izohlar